مطعم ايطالي بريدة
مطعم ايطالي بريدة تتميزة بريدة بالمطاعم الايطالية التي تقدم أفضل المأكولات الايطالية، فإذا كنت تبحث يا عزيزي القاري عن أفضل مطاعم بريدة يجب عليك ان تُلقي نظرة علي الأسطر التالية للتعرف علي افضل مطعم ايطالي في بريدة.
مطعم ايطالي بريدة
1- نكهة فرن
- العنوان : طريق علي بن أبي طالب، الاخضر، بريدة 52385، المملكة العربية السعودية
- الهاتف : 966549310922+
- مواعيد العمل : من الثانية عشر والنصف ظهراً حتي الواحدة والنصف بعد منتصف الليل.
- لزيارة المكان عبر خرائط جوجل ( اضغط هنا )
1- حسن
المطعم ك جوده ونظافه وتعامل جدا جميل والموظفين اسلوبهم وتعاملهم حلو،جربت عندهم الشوربه ب الدجاج حلوه والبيتزا دائما ما يتوفر الحجم الصغير والوسط عندهم صغير.. الباستا الإضافات (جزر،والبصل،والزيتون،والفلفل البارد) مجانا وباقي الاضافات بسعر رمزى// انا عميله عندكم وكثير اطلب باستا ف بالفتره الاخيره وبعد تجديد المطعم اوقات تختلف جوده الطبخ والاهم من هذا انى لاحظت تقليل من كميه الخضار وكميه الباستا بشكل ملحوظ وللاسف بنفس السعر طيب اذا بتقلل الكميه نقص من السعر هالشي انا اشوف ب النسبه لي ولغيرى انه فيه تلاعب للعميل ياريت يكون فيه مصداقيه وجوده نفس قبل.. وشكرا
2- محمد الثنيان
انا من رواد هالمطعم و عميل عندهم مستمر
اول شي لقربهم من عند البيت
والشي الثاني من محبي الباستا 😁
نكهة فرن بداياتهم مرة كويسة و اتقنوا الباستا اخذوا لهم فترة نزل مستواهم وخاصة هالفرع
جيتهم اليوم بعد فترة طويلة والتحسينات بالديكور اللي سووها
للأمانة ابداع الباستا البيني مع صوص الكريمة والدجاج 👍🏻 ١٠/١٠
كل التوفيق لهم وعقبال الاستمرارية بالجودة.
3- فارس
جربت عنده الباستا “المكرونة” تختار إضافات الخضار اللي تبي مثل جزر ، بصل ، زيتون وغيره أما إضافة الجبن والدجاج والربيان فكل واحد له سعر ثم تختار نوع الصوص الصلصة أو الكريمة او غيرها وهي بخط صغير جدا غير واضحه بقائمة الطلبات “المنيو”وسعرها ب ١٨ ريال، بدون اضافات العلبة حجم واحد فقط، وجربت عندهم شوربة كريمة الدجاج بصراحة لم تعجبني أبداً لاني اعتدت أن اشتريها من المطاعم الجيدة فلم أتقبل هذه الشوربة،
المياه الصحية عندهم شركة هنا تعتبر جيده، عندهم الإجرائيات الاحترازيه عندهم عالية فلا يسمح لك بلمس صحن الشوربة لمعرفة مقاسه، العاملون من الجنسية البنغالية ومحاسبهم يغلب عليه الغضب من أي سؤال فيريدك تطلب مباشرة ولا تتجاوز سؤال على الأكثر هو جيد لكن لن أكرر الزيارة له مرة أخرى فهو لم يجذبني من حيث الطعم الرائي.
4- ملك
الحقيقه قبل كل شيء أهني الشاب اللطيف رسمي الحربي على اسلوبه وتعامله وحرصه على إرضاء الزبون ، وياليت كل الاشخاص مثله ، والله ما عرفه ولا بيني وبينه اي صله ولكن حصل موقف بيني وبينه بنفس المطعم وكبر بعيني وسبحان الله الرجال تعرفه من المواقف ، أما بالنسبه للطعم الحقيقة من الآخر جودة الخضروات والروبيان والبهارات كل شي تمام 👍🏻👍🏻، يستاهلون ٥/ نجوم ❤️👍🏻
2- كازاباستا
- العنوان : Uthman Ibn Affan Rd, العثيم مول الدور الأول Food Court بريدة SA،، بريدة 52384، المملكة العربية السعودية
- الهاتف : 966920012111+
- مواعيد العمل : من الحادية عشر والنصف ظهراً حتي الثانية عشر منتصف الليل.
- لزيارة المكان عبر خرائط جوجل ( اضغط هنا )
1- نايف
الطعم جداً لذيذ صراحه خاصه مكرونه الدجاج وتعامل الموظف / معاذ جميل وراقي اذكر مره معي أغراض كثيره وطلبت سفري وساعدني الله يوفقه وين ما كان
2- عبد الله
للامانة المطعم اكثر من رائع ، طلبت فوتشيني ربيان سبايسي .. كما ان الموظف المتواجد عبدالحكيم بشوش وسريع البديهة نموذج للكاشير المحترف.
تقبلو تحياتي.
3- ريهام المطيري
قيمته بنجمة بسبب الكاشير السعودي. أعرف أن مواجهة الجمهور متعبة، وضغط. ونادرًا ما أعلق عن تعامل الموظفين بها لسبب. لكن هذا كان المحل توه فاتح ومافيه إلا أنا وأختي، ومن وقفنا كان ينافخ😕 ويقول اخلصوا علينا اطلبوا، قلت طيب حنا نشوف المنيو، وما عطلنا أحد أصلا.
لما سألته هل فيه إمكانية يشيلون بعض الاضافات من الباستا لأني ما أكل صنف محدد، على طول بدأ يهاوش علينا، والله كنا مصدومين وش فيه هذا هههههه ! مع ذلك كلمناه باحترام، وقلنا له وش نبي بالضبط، وبرضه رجع يهاوش، كأننا جاين نأخذ ببلاش منه
باختصار ماتبي الوظيفة اتركها لشخص محتاجها، ترى محد ضربك على يدك. هذا لو يجيه عميل زعلان وش بيسوي؟ بيضربه ولا بيكب الباستا على رأسه.
أسوأ كاشير مر عليا
بالنسبة للأكل كميته كثيرة وتكفي ٢-٣ بالراحة (بس أقل بكثير من كمية فروعهم بالرياض)
وطعمه والصوص موزون.
3- مطعم دومو
- العنوان : QBWF6867، 4208 طريق أبو بكر الصديق، حي النهضة، 6867، بريدة 52389، المملكة العربية السعودية
- الهاتف : 966539255513+
- مواعيد العمل : من السابعة والنصف صباحاً حتي الثانية عشر منتصف الليل.
- لزيارة المكان عبر خرائط جوجل ( اضغط هنا )
1- ساره
لو في أكثر من خمسة نجوم عطيتهم البيتزا خيالييية!
سعر وطعم وجودة ✅
الأكل كان لذيذ وفرش، الروزيتو رهيييب، الأسعار ممتازة👌🏻
الفريق كاملًا مميز وخدمتهم احترافية✅
المكان مميز من ناحية الديكور والجو العام مريح جدًا
* المطعم يستحق التجربة جدًا وأرجع له مرة ثانية👌🏻
2- صالح
ما شاء الله تبارك الله 💐❤️
مطعم ايطالي بريدة راقي 🤩🌹
الاكثر من رائع الأكل شيي ثاااااني يوديك لعالم آخر ، كل صنف يقول الزين عندي 🔥❤️
خدمة ممتازة واحترافية وتعامل راقي ومحترمين.
بالتوفيق لكم وعقبال 100 فرع 💐
3- الحلوف
بصراحة اكل لذيييذ شيء فااااخر ، اضافة جمميلة لمدينة بريدة 💛
الاسعار جدً مناسبة مقارنةً ببقية المطاعم الايطالية في المنطقة..
البيتزاء نابوليه على اصووولها 👍 اكرر الزيارة اكيد
فخورين بمثل هالانتاجية اتمنى لهم الاستمرار بهالنجاح و للأعلى بإذن الله.
4- نوره
تصدّر قائمة المطاعم الايطاليه في بريده
الاكل لذيذ كل طبق الذ من الثاني
عجينة البيتزا خُرافية
الخدمة جداً رائعة
يستحق تكرار التجربه بكل جداره✨
شاهد أيضاً : مطعم حلو ورخيص في جدة
4- مطعم ليفورنو
- العنوان : طريق الرياض القديم، حي الصالحية، بريدة 52347، المملكة العربية السعودية
- الهاتف : 966553390490+
- مواعيد العمل : من الحادية عشر صباحاً حتي الثانية عشر منتصف الليل.
- لزيارة المكان عبر خرائط جوجل ( اضغط هنا )
1- سامح
التجربه الاولى وكانت جميلة الخدمة ممتازه والاكل لذيذ والاسعار ممتازه طلبت ٤ اصناف فوتشيني روبيان وبيتزا ببروني وكروكيت بطاطس وشوربة كريمة دجاج هذا كله ب٧٣ ريال اتمنى يستمرون على كذا .. اكرر التجربه ؟ نعم
2- فيصل العتيق
جربت عندهم البوفيه
للأمانة جميع انواع الباستا الموجوده بالبوفيه لذيذة،
وجربت نوعين بيتزا موجوده بالبوفيه لذيذة ما شاء الله
والسعر معقول جدا على تنوع الاطباق والجودة .
ملاحظة صغيره شوربة الكريمة لو تحطونها دجاج بدل الربيان اشوف انه أفضل.
3- ابو باسل
مبدياً الطلب الجاني غير الي شفته في الصور وتقييم الناس برضو غير عن الي شفته صراحه ( انا اخذت فوتشيني روبيان و كرات ماك اند تشيز و كروكيت ) برضو اخذت تيراميسو جاني كريمه مع مربى توت . الفوتشيني كان فيها صوص الظاهر انه كان خربان كان طعمه اكرم الله النعمه. والماك اند تشيز كانت فالصوره تشهيك اكثر انا جتني حسيت ان نصها طحين .صراحه مافيه الا صوصاتهم و الكروكيت الي قدرت اتقبله .اتمنى من المطعم المراعاه في المره الجايه و انكم تتأكدون من الطلب اذا صحيح قبل ماتعطون الزباين
4- سامر
الصراحه يستاهل خمس نجوم . (((( سعر وجوده)))) . مره مره مره رخيص . مقارنه بالمطاعم الايطاليه الاخرى . طلبنا 2 باستا وبيتزا دجاج وحده وكريكب بطاطس ب 88 ريال . البيتزا لاتفوتكم خطيره العجينه حقتها .. وبالعافيه عليكم.
5- ال بيزو ريستورينت
- العنوان : شارع قرطبة، حي الرحاب، بريدة 52333، المملكة العربية السعودية
- مواعيد العمل : من الرابعة عصراً حتي الثانية عشر منتصف الليل.
- لزيارة المكان عبر خرائط جوجل ( اضغط هنا )
1- سهام
المطعم ولا غلطة ماشاءالله ديكور يفتح النفس وشرح ،الاجواء بشكل عام جميلة جدا،
الأطباق جدا لذيذة وكل شي فرش البيتزا طعمة👌🏼 الريزتو حاجة فخمة😻الباستا من الاخر لذيذة👍🏻
بشكل عام المطعم لذيذ والأسعار جدأ مناسبة
اعيد الزيارة له👍🏻
2- هتون
تجربة لذيذه .. الديكورات والتفاصيل مره حلوه تعيشك التجربه صح 👌🏻 الجلسات مريحه والطاقم لطيف .. خاصه السعودي بس ما ادري شسمه 😅
باستا ترافل ١٠/١٠ مره لذيذة
بيتزا دجاج كريمي ٨/١٠
تيراميسو ٩/١٠
2- دحوم
الذ اكل ايطالي ذقته بدون مبالغه ، الاسعار مبرره جداً مقابل الخدمة والاكل ، المكان شرح ويفتح النفس ، الديكور متعوب عليه ومهتمين بادق التفاصيل يستاهلون كل خير صراحه والتجربة هذي راح تتكرر
3- حازم عباس
اذا تبغى تعيش الأجواء الايطاليه بصدق، وتستمتع بخدمة فوق الممتازة وأطباق عالية الجودة، أرشح لك بشدة هذا المطعم الرائع.
كل شيء به جميل الأطباق، الطاقم، الخدمة، حتى الديكورات تحفة
جربت عندهم البيتزا الايطاليه، كما يجب ان تكون
المارجريتا رائعة علي بساطتها، والترفل مميزة جدا
ايضا لديهم الريزوتو والباستا شيء خرافي
خاصةً ريزوتو البستو مع قطع الدجاج، ممتاز الصراحة، أطعم ريزوتو ذقته، ولا غلطة
شكل وطعم وتسوية ١٠/١٠
وبالنسبة للحلو ما يفوتك التيراميسو ، متميزين به جدا
الطاقم كله بشوش ويخدمك بحماس واهتمام
والاطباق تجهز في وقت قياسي
كانت تجربة رائعة، شكرًا لكم، وأتمنى لكم دوام التوفيق.
3- حنيف
رحت له من تصوير الناس ومدحهم بس انصدمت ! ورحت له مرتين عشان اجرب اصنافهم وماظلمهم بس
المكان صغييير والطاولات والكنب متصل مع الطاوله الي جمبك يعني مطعم مب كوفي ليش ملزق الكنب ببعضه ؟عجزت استمتع بأكلي بسبة المجموعة الي جمبي كل ماكل لقمة يقطون معنا وسواليفهم كلها اسمعها صداع كان مفروض يقدمون بنادول مع الاكل ! الديكور غلطه كبيره بالنسبة للمطعم
لكن كأكل كان في بعض الاصناف كويسه رغم اني عجزت استمتع بالاكل بسبة الزباين وازعاجهم ومكان صغير مفروض ماتسمح فيه بالاطفال او تبعد الطاولات مب معقوله طفل فوق راسي وانا اكل
– الأصناف الي عجبتني مما روزا لذيذة والترافل باستا برضو
– البيتزا عجييين بزيادة
-الريزتو حلو
– بيستو باستا ماعجبتنا
– السلطه لذيذة
– تعامل الموظفين واسلوبهم حلو ككل بلا استثناء ❤️
( الاسعار مرتفعه مقارنة بحجم الاطباق لكن مثله مثل اي مطعم ايطالي )
3- سعد
جربت البيتزا مارجريتا وكانت top وجربت نوع من الباستا اسمها بالمنيو ماما روزا وكانت ممتازة أيضا. من ناحية الأكل مطعم ممتاز بس يعيبه سعره المرتفع خصوصا البيتزا ، الباستا سعرها مقبول نسبيا. بالنسبة للمشروبات ما يظهر لي بالمنيو إلا مشروبات غازية، ودي كان فيه ايس تي وهولستن مثلا.
موقع المطعم ممتاز بس الجلسات ما ارتحت لها مدري ليش (أحس المكان مكشوف) ودي يكثرون الديكورات والحواجز لاضفاء نوع من الخصوصية. واخيرا بالنسبه للموظفين مرة باسمين بس مشكلتهم باردين جدا ما يحييون الزباين ولا يتفاعلون معهم، محتاجين يكونون متفاعلين شوي مع الزباين.
6- أتون – Aton
- العنوان : طريق علي بن أبي طالب، الاخضر، بريدة 52391، المملكة العربية السعودية
- الهاتف : 966163256566+
- مواعيد العمل : من الثانية عشر والنصف ظهراً حتي الثانية بعد منتصف الليل.
- لزيارة المكان عبر خرائط جوجل ( اضغط هنا )
1- فهد
مطعم جميل ومن أفضل محلات المكرونات من ناحية السعر والطعم هذا الفرع الثاني الاول في حي البشر .
مكرونه اتون مشكل دجاج وروبان وفطر 👍🏻 فخمه وباقي اللصناف لذيذه ..
عتبي فقط في الفرع هذا المحلي يقدم في صحن كرتون للاسف لو عرفت لم اطلب ، الفرع الثاني تقديم بطبق افضل اتمنى من ادارة المطعم النظر فيها ..
2- ريان علي
أفضل مطعم للمعكرونه والباستا لو بشوف فيه مشكله اشوفها بالاسعار مرتفعة شوي اما كطعم وجودة وتعامل ✅
3- أحمد الشمري
ماشاء الله تبارك الله
لي 5 سنوات اتعامل معه وهو افضل مطعم يجيد تعامل جميع انواع المكرونات
واضيف نقطه تميزه عن اغلب المطاعم والتي هي قسم خاص للعوائل بغرف خاصه تتيح للعائله اخذ حريتها بالأكل وقسم خاص للشباب
لكن بالمقابل المطاعم الاخرى قسم العوائل مشترك ولا يوجد حواجز
اكرر التجربه مرات عديده ❤️❤️❤️
7- بروكلي بيتزا وباستا
- العنوان : طريق علي بن أبي طالب، الاخضر، بريدة 52385، المملكة العربية السعودية
- الهاتف : 966163693542+
- مواعيد العمل : من الواحدة ظهراً حتي الثانية بعد منتصف الليل.
- لزيارة المكان عبر خرائط جوجل ( اضغط هنا )
1- عبد العزيز ابو أمال
نسال الله العفو والعافيه
بيتزا مختلف الأنواع الحجم الصغير ب ٢٥ و الوسط ب٤١ و الكبيره ب ٨١ ريال
الأسعار مرتفعه ومبالغ فيها جدا والطعم عادي بيتزا الخضار نكة البصل واضحه وأعتقد أن بيتزا الخضار اللي بخمس ريال أفضل منها . بيتزا الدجاج العجينه من الأسفل محترقه نوعا ما (زياد عليها الخبز) البابروني مقبوله . بيتزا الجبن ليست من الاجبان بشيء كنها خبز خباز وعليها جبن كرفت خفيف..
ع العموم العجينه بشكل عام قريبه من خبز الخباز كذلك للاسف محمره بزياده قريبه من الاحتراق
ارجع وقول الأسعار مرتفعه والطعم لايستحق كل هذا المبلغ
ملاحظه يوجد في المعطم باستا لم اجربها ولا أعلم عنها شيء ..
تقييم بشكل عام 4.5 من 10
مع تحياتي أبوآمال.
2- محمد
الموقع جيد
سهولة الوصول تحدي كبير لذوي الهمم من اصحاب الاحتياجات الخاصة ؛حيث عدم توفر مداخل ميسرة تخدمهم.
المساحة وبيئة المطعم ممتازة ، الديكورات والتصميم على اعلى مستوى من الاحترافيه.
الطاولات موزعة بشكل عصري يخدم الخصوصية بالاضافة الى ان المقاعد مريحه،نظيفة،وعصرية. *يوجد بهذا الفرع قسم خاص للعائلات* ،وقد لا يتوفر في فروع اخرى .
نظافة المطعم جيدة جداً.مظهر ،ونظافة العاملين جيدة ،وتحتاج الى مراقبة ،وتطوير.
المطعم يقدم الاطباق من الباستا والبيتزا وبعض انواع السلطات والمقبلات.
المطبخ يعتبر شبة مكشوف ،وطريقة تحضير الوجبة استثنائية حيث يتم اعداد الوجبة بحسب رغبتك ،وبالاختيارات ،وبالاضافات التي ترغب بها وامام عينيك.حرارة الاكل هي الافضل فعملية طبخ الوجبة امام ناظرك! اذا انت من تتحكم بحرارة الاكل وايضاً طريقة تقديمة هي الافضل بفتح الخيار لك.
جودة مكونات الاكل جيدة جداً والنكهه والطعم يعتمد عليك ! اذا فتح الخيار سيعطي المطعم من هذه الناحية اعلى تقييم.
القائمة رغم انها محددة في انواع الباستا والبيتزا والسلطات الا انها متنوعه في هذا الاختصاص ؛ فخيارات الباستا والبيتزا والسلطات الى حد ما متعدده.
الاسعار في المتناول ،وانت مره اخرى من يحدد ارتفاع سعر وجبتك من انخفاضه،ويضل المتوسط للوجبة في مقابل الجودة ،وطريقة التحضير ،وبيئة المطعم مناسب وفي المتناول.
المطعم ضمن سلسلة مطاعم تحاول الحفاظ على المنتج بطريقة ،واسلوب عصري ،وايضا المحافظة على جودة الطعام المقدم ،وبحترافيه عاليه.
طبعا ينصح به للاستمتاع بوجبات مختلفة من الباستا او البيتزا بصحبة العائلة او الاصدقاء في بيئة مناسبة تشجع على ذلك.
أفضل المطاعم الايطالية في بريدة
يوجد مطاعم ايطالية كثيرة في القصيم و بريدة، لكن لا يمكنك ان تختار مطعم ايطالي في بريدة بشكل عشوائي بل يجب ان تعلم المطعم الايطالي الذي يناسبك والذي يقدم الخدمة علي أعلي مستوي.
وموقع خدمات العرب يقدم لك افضل مطعم ايطالي بريدة والذي يقدم أفضل المأكولات الإيطالية الشهية واللذيذة.
يقدم مطعم كازاباستا أفضل المأكولات الإيطالية والتي لن تجدها لدي أي مطعم آخر في القصيم أو بريدة.
